Երեք ավստրիացի բիոնիկ ձեռք են ստացել. news.am

Անդամահատված ձեռքերով երեք ավստրիացի վերջերս բիոնիկ ձեռքեր են ստացել, որոնք կարելի է ղեկավարել հենց այդ հիվանդների մարմնից փոխպատվաստված նյարդերի եւ մկանների շնորհիվ:

«Մենք առաջին անգամ ենք բիոնիկ ձեռքերի վերաձևավորում իրականացրել», - նշում է Վիենայի բժշկական համալսարանի մասնագետ Օսկար Ազմաննը: «Եթե նմանատիպ հիվանդներ գային ինձ մոտ 5 կամ 7 տարի առաջ ես պարզապես կասեի, որ ոչնչով չեմ կարող օգնել նրանց»:

Որոշ հիվանդներին, իհարկե, ձեռքի փոխպատվաստում կարելի է անել, բայց այդ դեպքում նրանք ստիպված կլինեն ամբողջ կյանքում դեղեր ընդունել՝ կանխելու համար օտար մարմին չընդունող իմունիտետի ակտիվությունը:

Հիվանդներից մեկը՝ 30-ամյա Միլորադ Մարինկովիչը, կորցրել է ձեռքը մի քանի տարի առաջ ՃՏՊ-ի արդյունքում: Իսկ նոր բիոնիկ ձեռքով նա կարող է տարբեր իրեր բռնել եւ խաղալ երեխաների հետ: Ավելին՝ երեխաները հիացած են իր նոր վերջույթով:

 «Այս ձեռքով ես կարող եմ անել այն ամենն, ինչ ուզում եմ: Միակ տարբերությունը նրանում է, որ ես այն չեմ զգում», - պատմում է Մարինկովիչը:

Բժիշկ Ազմաննի խոսքով՝ բիոնիկ ձեռքի փոխպատվաստումը արժե 33.960 դոլար, սակայն այս դեպքում պրոցեդուրայի դիմաց վճարել են ոչ թե իրենք հիվանդները, այլ տարբեր կազմակերպություններ, որոնցից է նաեւ Austrian Council for Research and Technology Development-ը:

Հարցեր, պատասխաններ, մեկնաբանություններ